tunning merkea
Max Siedentof-ek, gauez zakurra pasiatzera ateratzen denean ezin dio tentazioari eutsi. Kartoiak eta zinta eramaten ditu bere auzokideen kotxeak tuneatzeko. Eta emaitza itzela da!
euskal harriaren ABD-ak
Katihotsak logiak, Euskal Herriko zazpi probin- tzietako harrizainei beldur eta fantasiazko filmak grabatzeko gonbitea egin zien duela urtebete. Deabruak hazia landatu eta orain jaso du uzta. Euskal Harriaren ABD-ak proiektuko 26 film labu- rrak jira-bira diabolikoan dabiltza gure geografian barna.
leihoak
Aldana Ferrer Garcia arkitekto argenti- narrak, leiho berezi hauek diseinatu ditu hiri handietako etxe txiki eta ezkutuetan paratzeko. Etxe zulotik apur bat atera eta zerua ikusi eta airea libre arnasteko gaitasuna eskaintzen dizuten leiho hauek, zentimetro gutxi batzuk zenbat garrantzia duten erakusten dute.
tipografia erabiltzen
Webgune erabilgarri honi esker, tipografia ezberdinen erabilpen praktikoa ikusteko aukera dugu. Molde ezberdinetako diseinuetan tipografia zehatz batek zein emaitza ematen duen ikustea oso baliagarria izaten da askotan.
ikuspuntu zine jaialdia
Otsailaren 8tik 14ra zinemak Iruña hartuko du. Ohiko ez fikziozko nazioarteko lehiaketaz gain beste ziklo eta jarduerak izango dira. Besteak beste denbora kontzeptuaren inguruan antolatutako pelikula ziklo interesgarria. Zinemaldian erakutsiko diren filmak, beren izaera eta jatorriagatik, berriro ikusteko aukera gutxi izango duzu.
s.
marrazki-matoia
Tobias Gutmann-ek erretratu makina soziala asmatu du. Marrazki-matoi baten moduko honetan, parean jartzen zaionari erretratua marrazten dio. Tobias- -ek. 110’607 km egin ditu Stockholm-en hasi eta Milan, Dar es Salaam, Tokyo, London, Copenhagen, Basel, Frankfurt, Madrid, Zürich, San Francisco, Paris, Düsseldorf Luxembourg, Melbourne eta Wamangu (Papua New Guinea) barne, aurrez-aurre1968 erre- tratu gauzatzeko.
punta galea challenge
Aurten ere, Bizkaiako olatua aukeratu dute munduko olatu handien nazioarteko txapelketako frogarako. Iaz bertan bizi izan genituen surf sesio itzelek lagunduko zuten horretan. Irekia dago epea, eta otsailaren amaiera arte, edozein momentuan ospatu daiteke. Itsaoak erabakiko du, gu, bitartean ekaitza eta olatu erraldoien zain gaude
dock of the bay
Bederatzigarren edizioa betetzen du aurten Donostiako Dock of the Bay-k. Musika dokumentalei eskainitako zinemaldi honek bere tokia lortu du, bestalde zinema proposamenez gainezka egiten duen hiri batean. Aurten gainera Fernando Golvanok zuzentzen duen Egiazko Narratibak mintegia antolatu dute. Urtarrilaren 6tik 16ra.
etxekoak antzerkia
Azaroan hasi ziren eta maiatzera bitarte 40 emanaldi inguru dituzte itxita honez gero. ArteDramak eta Huts teatroak ekoitzi eta Ander Lipusek zuzentzen duen Jon Gerediagaren testuan, etorkinen gaia jorratzen da, baina ez hauen ikuspuntutik baizik eta etorkinekin kontaktuan jarriko diren ̈etxekoekin ̈.
(h)ilbeltza baztanen
Euskal Nobela beltzaren astea ospatuko da beste behin Baztanen, hain zuzen ere ilbeltzaren 18tik 24ra. Mahai-inguruak, liburu aurkezpenak, zinema beltza, musika... Baztanera hurbiltzeko aitzakia hobeagorik ez zaigu otutzen.
