BELLE & SEBASTIAN BILBON
Belle & Sebasti�n talde eskoziarrak Dear catastrophe waitress azken diskoaren kantuak aurkeztuko ditu Bilbon. Azken urteotan hainbat filmetako soinu bandetan parte hartu ostean (Tod Solondz-en kuttunak dira) zuzeneko bira egiteko tartea hartu dute. Hitzordua Arriaga Antzokian martxoaren 14ean.
NONTZEFLASH
Abian da honezkero flash animazio pelikulen lehiaketa. Zure lana aurkezteko ez duzu Pixar-eko betaurrekodun-elektronikoa izan behar. Parte hartzea irekia da eta zure lana web gunean izanen da zintzilikatua. Lan onenak FANT 2004 Bilboko Fantasiazko Zinemaldian erakutsiko dira. Non?
BAKEAREN ALDEKO POSTERRAK
Hawaitik dator notizia. Peaceposters.org ekimenak Gazteizko Pakeuntzi kollektribuaren posterra zintzilikatu du bere web orrian. Gerraren aurkako beste hainbat lan grafiko ere ikusgai dituzue web orri berezi honetan. WAR SUX da Pakeuntzikoen proposamena.
BIDEOEN GURUA
Spike Jonze zine zuzendariaren publizitate, skate eta bestelako bitxikeriak ikusteko aukera merkaturatu berri den DVD-an. Irudimena eta bideo amateurraren estetika tontor garaienetara eraman duen gizona. Beeing Jhon Malkovich edo Adaptation moduko filmeen egilea, merezi duten sortzaile guztien moduan maitatu bezain gorrotatua.
PERIFERIAK
Iaz Livornon ospatutako Memorie- Periferichek jarraipena izango dut aurten Bilbon. Periferia fisikoak eta pentsamenduzkoak sortzaile ezberdinen ikerketa eta hausnarketa gai Bilbo izeneko laborategian. Otsailaren 23tik 29ra
WAIKIKI
21. urtea AC DC-ren ostean. Australia. Konstituzioaren aurkako tronpetisten herrialdea. Juanita izeneko neska batek Joel, Glenn eta Jimmeh ezagutu zituen. Musika talde bat sortu zuten. Waikiki. Eta honezkero hamar urte daramazkite pazifikoko eszenatokiak euren pop-rock doinuez astintzen. Egun hain modan dauden makarrismo pret a porter taldeen aintzindari izan zen gurean hain ezezaguna den Waikiki. Ez da erraza baina merezi du euren musika eskuratzea.
www.310project.com
Euskeraz eta ingelesa erabiltzen ditu Manex Artolaren web orri berezi honek. Gure kostaldean grabatuak eta tsunami-olatuetan sartzen diren gure kostaldeko trumoidun hauen surfak bihotza ahotik aterako dizute. Skate-a eta musikak ere badute tokia proiektu honetan. Ez galdu Big Friday bideoa: Jackass-ekoak moja batzuk fenomeno hauen parean...
OLD FASHION FASHION DA
Web orri honetan 60-70. hamarkadan erabiltzen ziren orrazkera ezberdin ugari duzu ikusgai. Zure amak argazki zaharretan zuen itxura hori berreskuratu nahi baduzu webgune honek aukera ematen dizu. Orrazkera berezi horiek lortzeko gomendio eta trikimailuak azaltzen direlako. The traditional hairdressing page.
RE-CODE
Dendetako apaletan dauden produktuen prezioak gehiegizkoak iruditzen zaizkizula? Re-code itzazu. Barra kodigo berria sortu eta produktuan itsatsi ezazu. Ez da lapurreta soila, filosofia oso bat dago ekintza honen atzean.
ZAZPI GEZUR TXIKI
Ondo esan beharko obrak badu jarraipenik. Ramon Agirre eta Joserra Semperena konbinazioak emaitza onak ematen ditu. Umorea eta musikaren erabileraz gain, formatuaren sinpletasunean datza hein handi batean bikote honen arrakastaren giltza. Edozein tokitan moldatzen dute emanaldia eta modu horretan ikuslego anitzetara iristen dira. Muntai handien parean, kalitatezko antzerki herrikoia, popularra egiten dute. Donostiako poltsiko antzerkian eta dozenaka areto, kulturetxe eta tabernetan gozatzeko aukera hurrengo hilabeteetan zehar.